今日

今日上I.S堂個時，

真係超驚！

因為有皮膚病個女仔同我同一台……

食lunch個時，

唸左勁耐，

點知，

最後都係去左7-11食，

有D無奈…

今日上maths個時，

有本簿傳過黎，

話：我去迪迪尼！你鐘意咩公仔？我買手信俾你！

o個個人就係麥丸啦！

多謝你啊！麥丸！雖然你唔一定買到！^o^

放學個時先發覺，

原來今日係我個組清潔啊！

好彩唔洗掃頭髮咋！

呢幾日

唉...

呢幾日病病地，

好慘啊！

呢幾日係學校都無咩特別，

不過今日就恐怖D，

今日放學，

本身我會去沙田運動場，

睇下小學既sports day，

不過之後都係無去到！

結果，有D恐怖！

我個班有女仔有皮膚病，

點知原來佢有個習慣，

就係掉頭髮啊！

本人係有D驚架！

唸起都覺得恐怖！

I.S仲要同佢一組，

死得啦！＠﹏＠

電腦

今日好無奈啊！

雖然今日番學既時間，

令我好開心啊！

點知番到屋企就...

今日舅父個女朋友個老豆，

上左來屋企！

玩我部電腦，

之後我開個時，

hand左機，

真係火滾！

快d到聽日啦！

想見到一班同學！

開開心心咁玩、笑！

不過聽日要上D.T，

真係唔開心！

勁唔想上D.T，

快D到2nd term啦！

有得上H.E啊！

唔知H.E點呢？

好唔好玩架？

我唸OK既！

沙田

今日晏晝出左沙田新城市啊！

要買禮物啊！

仲留意下D手提電話！

勁想快D買新電話！

原來沙田好運中心個度，

有一間鋪俾學生證，

買夠$20就9折啦！

我用左$23買左一對鞋仔鎖匙扣！

原價係$25啊！(好似！唔記得左！)

有兩個架！一個扣左係locker鎖匙度，

一個係筆袋度！

好得意啊！^o^

倒數：麥仔(我隻狗個名)，

                仲有3日番黎啦！

                 好開心啊！

                 要乖啊！

                 不過我要等到18/10，

                 先可以探佢！0.0

尋日+今日

尋日太早開電腦啦！

無打到Xanga啊！

尋日on msn，都唔係好多人姐！

我仲要經歷，

史上第一次係msn教人仲功課！

真係有d無奈！+.+

多得Vivian，

我先可以知道咁多野！

到今日啦！

今朝一早起身，

目的？番教會lo！

今日主日學前唱個首詩，

我係完全跟唔到！

到10:00，陳生放我地走啦！

我同班fd仲成功屈佢俾$20我地，

去7-11買野飲！

真係爆開心！

去7-11買左杯自由斟，

點知飲左唔夠1/3，

就扔左啦！我真係浪費！

番到去已經10:30，

我好百厭咁，無上去hall，

無乖乖咁坐低聽道！

同碧家留左係有蓋操場，

同兩個中二既哥哥，

各自各玩！

差d俾人捉！

好彩最後都無事！

夠鐘出街買禮物，

有人生日啊！

當然，呢個人，

你地未必認識！

Bye - bye！